D way premium motor spirit (PMS) wey everybody dey call fuel take scarce now for Naija don turn big gbege o. Na true true say for d past few days ehn Naija people don experience better suffer suffer and hardship unto say d way fuel take scarce knack dem like harmer for head and na d South-East and South-South Zone of Nigeria na dem experience am pass.

Because of dis scarcity and demand, na so fuel price kon carry ladder climb go reach up up. Some fueling stations dey sell for fuel as high as #200 per litre and above wey don cause make oda things for market sef follow increase price. For nterview , d tear-rubber Director of Special Duties, NANS Zone B, Comr. Arigbe Victor don condemn d scarcity of fuel and d plenty plenty effects of hardship wey e don cause for Naija students. Wetin him talk na say;

 “E dey very bad say every festive period for Nigeria, we d mass of Nigerian people go just dey suffer some kind hardships, especially fuel scarcity matter even when d nation dey rich for oil resources.

Very many Nigerian students don dey handicapped all because of dis badness situation, some of dem no fit even travel home for Christmas because say transport don increase due to d scarcity of fuel.

“We hereby call on Federal Government of Nigeria say abeg make dem address dis kind unfavourable conditions make life meaningful and better for Naija people.

“Indeed, d yama yama trend no good at all for dis festive period because of d difficulties wey don already dey for d socio-economic sector of Nigeria. 

D government must find a way out!



Please enter your comment!
Please enter your name here