Di National Judicial Council don give three judges suspension, and set up panels wey go investigate four other judicial officers.
For di tori, Justice Rita Ofili-Ajumogobia, and Justice James Agbadu-Fishim don receive dismissal letter
Justice Rita Ofili-Ajumogobia dey for Federal High Court, and Justice Agbadu-Fishim dey National Industrial Court.
Dem go dismiss Justice Ofili – Ajumogobia ontop mata wey dey ontop magomago.
Di mata be say, she be di director and chief executive of company wey dey against di code of conduct for judicial officers.
Dem find out say, people, government officials and business partners dey push monies to accounts wey di judge get.
Di mata be say, Justice Agabdu – Fishim dey collect money from litigants before him go handle dia case.
Wetin him dey always do be say, him go dey delay your case, if you no pay di money wey him ask you to pay.
Him dey always tell clients say, him dey sick or dem never pay him salary.
Two judges now dey on suspension and dey wait make dem comot dem.