Nigerian Football Federation NFF don comot today announce dia 2018 FIFA world cup program for Super Eagles.

For d announcement, NFF bin comot d venue and dates for d six pre world cup friendly matches, d kit launch, camping programmes and venues, d team Base Camp sponsors event and how d team go take travel during d world cup finals for Russia.

Oga kpata kpata for NFF wey be dia Presido, Amaju Pinnick bin announce d total programme for Eko Hotel and Suites wey dey VI immediately after imm sign contract with Coca cola.

D program explain sey Eagles go play with Poland, Serbia, Democratic Republic of Congo, England, Czech Republic and one oda South American team wey dem never know yet.

D team first phase camping go hold for Abuja or Uyo between 22nd and 30th of May while d second phase camping go hold for health resort for Austria from 3rd to 11th June.

D close for d Eagles official world cup team Base Camp go hold for Yessentuki, Stavropol territory for Russia southern region starting from 11th june.

#confamtori

LEAVE A REPLY

Please enter your comment!
Please enter your name here