According to NFF Presido Amaju Pinnick, Naija go play at least 5 high profile friendlies before d world cup next year for Russia.
Pinnick follow assure sey Eagles go dey play only d countries wey dey above dem for FIFA world rankings. Him talk dis one for Sportsmax for inside Cool FM Abuja.
Him talk sey dem dey look countries wey dey for d top 10 for World football ranking and also countries wey dey go world cup too.
Him still talk sey as Naija play Argentina finish sey dem don get 5 approaches unto sey dem wan follow Naija play buh sey imm no fit name d countries dem now till after d world cup.
Him talk sey Naija don also reach out to some countries dem sey some wan follow us play while d others still dey think am.
Pinnick also talk sey imm bin reason Russia sey make we follow dem play buh dem kon dey talk sey hin go be after d world cup.