Nigeria don turn to animal farm- Bishop Oyedepo

Bishop Oyedepo wey get Winners Chapel don chook mouth for di killings wey Fulani herdsmen dey kill and religious katakata wey dey Nigeria abs di government dey protect Fulani herdsmen.

Di Bishop yan say, as e dey ,Nigeria don turn to animal farm wia human life dey low compare to cow life.

Bishop Oyedepo react to Femi Adesina’s “Give Fulani Herdsmen Your Lands And Stay Alive” talk, and yan say, Nigeria dey Gradually dey turn to animal farm.

Di man wey be di Presiding Bishop for di Living Faith Church Worldwide, wey people dey call Winners Chapel, David Oyedepo, don vex for Nigeria government as dem no wan call Fulani herdsmen terrorists.

Oyedepo, wen him dey react to di statement wey Special Adviser to di  President on Media and Publicity, Femi Adesina that “You go only get ancestral attachment wen you dey alive. If you dey talk about ancestral attachment, wen you die, how di attachment go matter?,” and him talk am say Nigeria is dey gradually dey turn to Animal Farm.

As him dey preach for Otta, wey be di headquarters of him church, dis preacher yan say anyone wey go try to destroy Nigeria will die.

Him say, “I hear say dem tell you say make you choose between your life and your land. If dem collect your land rename am you fit prefer to die dan to dey alive?

“Di place wey my papa body dey? If you come there, we go show you strength. What nonsense.

“E don dey dey worse dan Animal Farm! You sabi Animal Farm? George Orwell. I never seen dis kind of kangaroo nonsense.

“To die nobe problem. Who you wan harass? Even wen I be boy, you no fit talk am? ”

“Dem talk say my name dey there list. Who you think say you go harass by dat?
Nonsense!

Dia name dey my list too!

Dia names dey ‘red’.

You know wetin e mean?
Rest In Peace.
Dem go rest in crisis!
Every plan wey devil plan against you go walk on dia own head.

“E dey better to lose your land dan lose your life? You beta stop dat folly,’ Bishop conclude am.”

LEAVE A REPLY

Please enter your comment!
Please enter your name here