Home / News / NIGERIA VS CAMEROON: ‘SUPER EAGLES DEY ONE STEP TO RUSSIA’

NIGERIA VS CAMEROON: ‘SUPER EAGLES DEY ONE STEP TO RUSSIA’

Naija people for South Africa don dey happy, dey jubilate unto say dem believe say Super Eagles go qualify for 2018 World Cup wey dey wan host for Russia.

After dem battle with d Lions of Cameroon for d match on Monday wey be say na 1-1 draw dem play, Naija now don dey top list for dia group with 10 points from all d qualifier matches wey dem DOJ dey play.

D Eagles bin don beat Zambia 2-1 for away match wey dem play, beat d Desert Foxes of Algeria 3-1 for home, come scatter d Indomitable Lions of Cameroon 4-0 for another home game.

Adetola Olubajo, wey b d new President of Nigeria Union, South Africa, yan say Nigeria would qualify for the World Cup.

Him yan say;

“Even as dem play draw for Yaounde on Monday, d signs dey dia say we go make am to Russia 2018 World Cup.

“Super Eagles try wella o. I throwey salute for dia determination. Dem play well and dem do our country proud,”

Ikechukwu Anyene, d President of d union before, say d Eagles bin use “tactical discipline take scatter d Cameroonians for d away match on Monday.

“D Lions bin dey play d ball with gra gra… Dem bin dey too physical for d match. And again, d Eagles bin get better game plan wey dem execute perfectly.

“Nigeria for don win dat game but dem bin miss beta chances. I believe say we go dey Russia,’’

Trust Owoyele wey be President, Ondo Union, South Africa, tell d Eagles weldone as dem dey focused for d match.

Fidelis Igbokwe, wey be Johannesburg-based Information Communication Technology expert, yan say that d Eagles bin try dia best for Cameroon.

Him say;

“D Super Eagles bin play well and dem for don win d match. Abeg make dem try use dis same standard for dia remaining matches dem so dem go fit book Russia ticket.’’

Chris Isike, professor of African Politics and Development, University of Zululand, KwaZulu Natal Province for South Africa, yan say d Eagles dem as dem dey now fit bring back d standard of d 1994 squad.

Him say d team bin don shame critics as dem take top d “group of death’’ for d qualifiers.

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

WE GO SEIZE ANY MOTOR WEY BEAT TRAFFIC UNTIL CHRISTMAS END – FRSC

Federal Road Safety Commission  (FRSC) for Ogun don halla say any person wey dem catch …

Leave a Reply

Your email address will not be published.