Home / Sports / NIGERIA VS ZAMBIA: A’IBOM GOVT DON PROMISE FREE INTERNET SERVICE FOR GODSWILL AKPABIO STADIUM

NIGERIA VS ZAMBIA: A’IBOM GOVT DON PROMISE FREE INTERNET SERVICE FOR GODSWILL AKPABIO STADIUM

Akwa Ibom State Government don promise journalists and football fans say free internet service go dey inside Godswill Akpabio International Stadium Uyo on Saturday wen d  Super Eagles go play with d Chipolopolo of Zambia for d hot 2018 FIFA World, Cup qualifier, na so completesports.com talk am.

D oda three home games of d Super Eagles wey dem play for Godswill Akpabio International Stadium don get plenty reports say mobile networks signals jam for d venue when special dignitaries enter inside d stadium.

But dem don ready to change am dis Saturday.

According to statement from d Akwa Ibom State Commissioner for Sports, Monday Uko through him media aide, Edidiong Stephen, d  state government go make available access codes for free internet service.

D statement read say;

“Free internet services go dey available to fans for Goodwill Akpabio stadium during d Nigeria Vs Zambia match and na Kalex Solutions Ltd go sponsor am,”

“Dem go put d access codes for d free internet for a closed panel on d seat covers wey dem go use cover d seats for d Stadium.

“Dis one na another great innovation by Akwa Ibom State Government and Akwa Ibom State Football Association.”

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

C. RONALDO AND NEYMAR GO JAM DIASELF FOR CHAMPIONS LEAGUE

Real Madrid Cristiano Ronaldo go continue dia bid to take be d first team after …

Leave a Reply

Your email address will not be published.