Home / Foreign Tori / Nigerian Government Don Arrest Abazonia Leaders For Abuja

Nigerian Government Don Arrest Abazonia Leaders For Abuja

Di Southern Cameroon people  wey wan break away from Cameroon, wey dem dey call Abazona, enter Nigerian security hand as dem arrest  arrest dia leader together with at least six other people  inside Abuja, Nigeria.

Julius Ayuk Tabe, wey be chairman for di separatist group Governing Council of Ambazonia and six other, enter for Nigerian security hand on Friday evening inside one hotel wey dey for Abuja.

Tori carry am say na, di security people arrest dem  when dem bin dey do meeting for di plenty refugees wey comot southern Cameroon run enter Nigeria based on di fight-fight wey dey  for di region as  security come kolombi dem. Dis na wetin di Governing Council of Abazonia talk.

Tori be say, na Secret Security Service people for Nigeria arrest dem based on wetin dem talk say dia papers wey dem use enter Nigeria Don expire .

But Di Matter be say, na lie, na based on say dem wan get dia own country make Nigeria government follow dia government dey arrest Abazonia Governing Council members wey  get Asylum/Refugee status, wey mean say dem no need paper to remain inside di country.

Now activists wey dey support di break-away movement for southern Cameroon want Nigeria government to explain wetin happen to dia leader, while other people  dey accuse Cameroon security say na dem do di arrest for Abuja.

As di matter be so, e never dey clear about di people wey arrest oga Julius and di other Cameroon activist inside Abuja.

Nigeria Police never talk anything  to di message BBC News Pidgin send give dem to confirm whether dem dey aware for  di Friday arrest inside Abuja.

Before dem  arrest dis people  , Tori  bin comot  on Thursday say ,e don pass 28,000 people wey don run comot Cameroon enter Nigeria as refugees because of di Anglophone palava for southern Cameroon.

Di refugee dem scatter for different towns for states inside Nigeria including Abuja, Lagos, Enugu, Benue, Akwa Ibom and Cross River.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

Another Fraud Case Don Happen For JAMB Office

Di Joint Admissions and Matriculation Board (JAMB) don start dey investigate another new cases on …

Leave a Reply

Your email address will not be published.