Di 60 year old reggae artiste wey him real name be Ukeleke Onwubuya don die for Lagos on Sunday afternoon.
One of him close friend of Ras Kimono family don confam di singer death.
Di tori be say dis man slump on Friday, dem rush am go one hospital for Lagos before him die on Sunday.
‘No bodi fit talk now’ na wetin person wey answer him wife Efe Kimono phone, talk wen tori people call to know how him take die.
Ras Kimono bin popular well well wit hit songs like; 🎵’Ayaga Yaga Yaga Yo oho…’🎵, 🎵’Under Pressure’🎵, 🎵’We No Want’🎵and all him song dey talk about how country man dey suffer.
Him don win awards well well wey include Nigeria Music Awards, Fame Music Awards.
As tori of him death land, people begin dey talk about di Asaba born singer for social media.