Nike don use dia official YouTube channel to take showcase d new Nigeria jersey designs for d Super Eagles’ Russia 2018 World Cup campaign.
Na on Wednesday Super Eagles stars like Mikel Obi, Wilfred Ndidi, Alex Iwobi and Kelechi Iheanacho bin dey review d new designs, dey even kon do for some Naija fans.
D designs go bring back d ignite memories of d patterned Adidas jersey wey Super Eagles wear for d 1994 Africa Cup of Nations for Tunisia and dia first World Cup for d United States of America dat same year.
D jersey na imm dey go dey use for dia away match and d shirt get plenty plenty light green background with bold white V-shaped patterns on top. D sleeves na white and e kon get black patterns under. D shorts na plain white.
As Mikel look d design na so him yan say;
“I don dey imagine as d players go go crazy when dey see dis one.”
Ndidi bin kon follow talk o and for d way him take talk, you go know say him dey happy.
“Dis one dey cultural” e be like our before before patterned away kit.
Iwobi and Iheanacho sef just dey shine teeth, dey happy ontop d designs.
Super Eagles bin wear Adidas jerseys for d last World Cup but dey kon get kwanta with Nigeria Football Federation wey kon destroy dia relationship after.
Na for London Nike reveal d new jerseys for one ceremony.
Iwobi with Lateef Omodiji and him sister Sophia, na dem be d Nigerian players for d ceremony wey model for d new Super Eagles jerseys.
D Eagles dey expected to launch dis dia kit on March 23 when dey go face fellow World Cup finalists Poland for pre-World Cup friendly.
Four days after, d Eagles go follow wear d new kits for another World Cup warm-up game against Serbia for London.