Wahala don dey do press up, as HRH Igwe Stephen Nwatu, wey be traditional ruler of ogboshinne autonomous community in akpugo, Nkanu west LGA of Enugu State die as him subjects beat am and him die.
Tori carry am say, him subjects beat dia chest say dem must hold meeting wey him bin tell dem say make dem no hold,but as dem plan to hold di meeting, him car hit one elderly man wey dey for road dey go di meeting.
Based on wetin Ndigbo Awake for social media talk, dem yan say na di King tell him driver to hit any person wey dey for him way and him driver move di car ,hit di old man.
As him car hit di man, him subjects rush am for him car, comot am from car, and beat am shege.
Dem come rush am go Park lane hospital where di King die. Dis mata dey cause serious gbege now for di community.
But,as e dey now, Newsinpidgin still dey wakanda dey find wetin make dem wan do meeting and wetin make di King no wan allow dem do meeting.