NEWSINPIDGIN NEWS

Former National Security Adviser, rtd Colonel Sambo Dasuki, don tell Federal High Court say no bail, no trial again.

Dasuki dey face trial based on wetin dem talk say him get guns and plenty other things.

Di mata be say court don give bail to three officers wey bin follow am dey face di trial.

As e dey hapun, Nigeria government no wan respect wetin court talk.

For di letter wet carry November 12, 2018, Dasuki tell court say: “make dem no put him name to appear for court again.

Him talk say, na based on say State Security Service wey arrest am no wan obey court order too.

Ontop di letter, di prosecution counsel, Dipo Okpeseyi, tell court say make dem do di trial even as him no dey.

Di prosecutor talk say, di case wey make dem no give Dasuki bail dey different.

Him talk again say, wetin Dasuki do be challenge to court.

Justice Ahmed Mohammed come talk say court no fit accept di request by di prosecution to try Dasuki as him no dey.

Di judge talk say court nogo accept di request except di dem submit affidavit wey go talk say Dasuki no wan come court.

Him no treat wetin Dasuki talk,and tell the prosecution say make him tell court di koko for records.

Dem shift di trial till Monday next week make everybody obey wetin court talk.

LEAVE A REPLY

Please enter your comment!
Please enter your name here