Naija Striker, Odion Ighalo don comot kon talk sey na to play for d World cup dey important for am pass and sey no be d money wey dem dey offer.
Odion Ighalo wey dey play for Chang Chun-Yatai follow for people wey fit start against Zambia, wey be sey dem need at least a draw for dem to take qualify for World cup.
Dem don already promise Super Eagles some sweet sweet money if dem fit win d Zambia team dem wey be sey dem too dey find win come.
Ighalo don talk sey imm dey ready to play for any leading role to make sure sey we get d World cup ticket and sey any money wey join follow am go jes be bonus.
Him talk sey most of dem for d team never go World cup before and sey no amount of money fit ginger am.
Him still say d only tin wey dey ginger am na to play for World cup cos of sey na only U20 World cup imm don go before and sey e go be great honour for am to represent over 170million Naija people for Russia.
Him still talk sey hin go do everything for us to win against Zambia but sey draw no go dey too bad too… Him talk sey dem go enter into d match with better concentration and sey with d kind players wey dem get dem fit beat any team and sey Naija go win by God’s grace.