Governor Rochas Okorocha for Imo State don accuse Peoples Democratic Party, PDP, as dem no build dia state image , and also for money wey dem loot.

Him accuse PDP, after him build Jacob ZUMA statue wey be South African President,for Imo State, even wen him still dey owe pensioners.

People don criticise di statue say, why Rochas go endorse government for president, wey dey face Corruption charge for im Country,as im spend money wey dem suppose use pay teachers and pensioners.

Rochas Okorocha give dis honour to Mr. Zuma few days after south African Police and dia people kill another Nigerian person wey be , Jelili Omoyele, wey dey a 35-year-old for dia place.

Chief Press Secretary to Governor Rochas , Sam Onwuemeodo, on Tuesday talk say, PDP never attract person wey make sense to dia state. But di question be, who make sense?

Himtalk say,

“If dis na PDP government,dem for don close Schools and Markets and roads, based on say, President Zuma go. But nothing like dat happen, based on say, Rochas get human face. PDP for 12-years never bring person wey make sense to Imo State except PDP NEC members wey dey come dey loot money.

Mr. Onwuemeodo talk say, wetin make ZUMA come, na for Imo State to sign MoU with Jacob Zuma Education Foundation and Rochas Foundation College of Africa.

Mr. Onwuemeodo come talk again say,

Gov. Rochas don decide to bring development to Imo State, and him no get any apologies for anybody wey dey criticise.

“And if “Galatians” no know, if wetin we go do to attract better things or bring investments to Imo be to dey build statues, we nogo waste time to build di statues wey go dey plenty for Imo State. We no owe any person apologies. Rochas don make promise say, him go open doors wey dey Imo State to di whole world for betta things and we nogo look back based on wetin people dey talk.

Wetin Rochas do, don cause wahala for social media aand people don condemn di statues wey him build with plenty money, even wen people still dey complain say, Imo State government never pay dem dia pension and salaries.


Please enter your comment!
Please enter your name here