Home / Gist / NO MORE PEN AND WATCH FOR JAMB EXAM AGAIN-JAMB Boss

NO MORE PEN AND WATCH FOR JAMB EXAM AGAIN-JAMB Boss

Di Joint Admissions and Matriculation Board don talk say no candidate go enter exam Hall again for di 2018 JAMB Exam with watches and pen based on say dem dey use am dey do malpractice.

Person wey be JAMB Registrar , Prof Is’haq Oloyede don tell news people dis tori for di meeting wey dem do to tell people how dem go dey use computer for di Jamb exam for Lagos on Wednesday.

Him talk say,

“Wetin we dey do today na to check how we bin don do JAMB examination before and how we go dey do di next ones with computers.

“As e dey now, we don introduce wetin go help people for JAMB registration and how candidates go dey behave for any JAMB examination.

“We don get tori say people carry pen and watches wey be computer, enter di examination Hall and use dem do malpractice.

“We don also plan to introduce machine wey go dey give sign for any watch or pen wey students go use enter exam Hall.

Oloyede talk say, JAMB go start dey sell form before November go end.

“We don plan to meet di stakeholders on 15th November and we go start dey sell form dis month.

But before we go start dey sell our form, we wan make any person wey wan write JAMB go download our app wey dey Google play as di syllabus and brochure dey dia wey go help dem read well well.

We dey do dis, so dat di wahala wey dey always dey for registration go stop ”

Du JAMB boss talk say dem don give accreditation to 617 centers wey di New JAMB EXAM for 2018 go dey.

Him still talk am say dem dey think ti add another 60 centers to di 617 wey dem don already approve.

Di matta wey follow for di talk be say, JAMB don remove 72 centers wey do malpractice from dia centers.

Dis man come talk say, dem dey plan for new big CBT Centers wey dem go get for JAMB as e go make JAMB get face for examination dem dey conduct for Nigeria.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.