Home / Entertainment / WE NO TALK SAY DAVIDO DEY FREE- Police

WE NO TALK SAY DAVIDO DEY FREE- Police

Police don talk say dem no talk say, Davido dey free and dem no fit use dia mouth confirm say Afrobeat musician, Davido, dey free from all di charge wey dey against am on top wetin happen when im friend Tagbo Umeike die.

Di police for Lagos ssy, di singer dey under investigation, after Tagbo die on 3 October, because dat night photo and short video for social media show say di two of dem bin dey flex together .

Now, local and social media for Nigeria don carry new tori from one of Davido Lawyer wey be Bobo F. Ajudua, wey claim say police don free di singer to dey do im business, on to say im no dey guilty of di murder allegations against am.

But person wey be Lagos Police Public Relations Officer Olarinde Famous-Cole, tell tori people today say him no dey aware say police don clear Davido.

Him talk say,

“We still dey investigate di matter,”

Na on 12 October na im Lagos Commissioner of Police Imohimi Edgal bin tell tori people for Nigeria say di Afrobeat musician dey lie for di matter.

For di matta , Davido don release him statement and CCTV video di next day, wey im say him wan use prove say im dey. Innocent for di matta wey concern how him friend  die.

Before police come dey put dia eyes for di matter, Nollywood actress, Caroline Danjuma wey be Tagbo girlfriend first accuse Davido, say him know wetin hapun to Tagbo for him death.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WE GO SEIZE ANY MOTOR WEY BEAT TRAFFIC UNTIL CHRISTMAS END – FRSC

Federal Road Safety Commission  (FRSC) for Ogun don halla say any person wey dem catch …

Leave a Reply

Your email address will not be published.