Di group wey dey use good mind dey talk say dem no wan dey Nigeria again with Islamic people, Indigenous people of Biafra, IPOB, don talk am say, dem no tell anybody say, Prince Mazi Nnamdi Kanu No Be dia leader again.

Di person wey be IPOB mouthpiece for di matta, Emma Powerful, talk am say, na people wey wan cause wahala dey carry di rumour wey him call propaganda based on say, dem wan scatter IPOB.

Him talk am on Thursday evening, wey Mazi Moses Agbo confirm am say, “Yes, na bad belle people dey carry di rumours dey go everywhere to make sure say dem destroy di plan wey IPOB get for mind.

Di tori be say, one woman wey talk for Radio Biafra, Miss Ifeoma Okorofor bin talk say, dem don comot Nnamdi Kanu as IPOB Leader and carry Ezenwachukwu Sampson Okwudili put as dia new IPOB Leader.

She talk am say, dem comot Nnamdi Kanu based on plenty nonsense things wey she talk, we be,

(A) Him don carry d Biafran struggle for head like gala like say na him problem wey for Oyibo grammatical dem dey call Personified and like dis hin don leave d main purpose and objectives of IPOB as grassroots movement.

(B) Kanu actions and him decisions as him ginger members of IPOB towards violence wey kon lead to d death of many innocent young people for Onitsha, Aba and Umuahia dey totally unacceptable and grossly irresponsible.

(C) Kanu privately collect £14m and another $22m to buy landed properties abroad with him name and dat of him Papa, Igwe Israel Kanu and na clear case of monkey dey work baboon dey chop.

(D) Kanu turn dia collective struggle into money-making enterprise for himself and him Papa. As d money wey d enterprising and hard-working Igbo youths across d world bin contribute, na one man and him Papa dey pack all, kon dey pretend say dem dey sacrifice for d cause.

(E) As dem release am from detention for April 2017, dem bin dey expect Kanu to start up support for d release of him colleagues and co-detainees such as Chidiebere Onwudiwe, Benjamin Madubugwu and David Nwawuisi. Dese na our brothers wey dem arrested d same time with am and dey no suppose forget dem. We hereby demand dia release. Kanu, since dey release am, never talk about dem or beg for d release of dese our freedom fighters. Instead, him dey go up and down dey collect chieftaincy titles, dey form ginger d swagger kon even allow full-blooded Igbomen to kneel down dey kiss him feet.

(F) Kanu just throwey d original meaning of our collective struggle for personal gain and yeye glorification. IPOB believe in democracy as a solid base of any modern state, d rule of law, and go always reject violence in all ramifications.

But di matta be say, IPOB don swear and talk say, dem nogo try am to remove dia Oga, wey be Nnamdi Kanu,. Dem talk say, na people wey wan be Oga dey fight Nnamdi Kanu anyhow to get di office from am.

Ifeoma Okorofor, Ezenwachukwu Sampson Okwudili


Please enter your comment!
Please enter your name here