Home / Gist / I Nogo Resign, I Still Dey! Mugabe Use Strong Mouth Talk am.

I Nogo Resign, I Still Dey! Mugabe Use Strong Mouth Talk am.

Zimbabwe president, Robert Mugabe Don use strong mouth talk am say him go him still dey office and nogo comot , even though say people dey play drums for him head to resign.

For live TV address, President Mugabe talk say, him go dey in charge wen di ruling party go do dia congress for December.

Na to see how dat one go hapun, since di party don already sack am as leader.

Him party, di ruling Zanu-PF bin don sack President Robert Mugabe as dia leader and come give am until Monday afternoon to resign or dem go impeach am.

Zanu-PF don appoint di former vice-president Emmerson Mnangagwa, wey President Mugabe been sack two weeks ago, as dia new leader.

Di first lady, Grace Mugabe, and other senior officials for di party, don comot for di party, based on say, di party don pursue dem comot kpatakpata.

Na sacking wey Mugabe do Mnangagwa make di military chook hand for di matter to block Mugabe, 93, from im plan to make in wife Grace di vice president.

Thousands of Zimbabwe people bin attend street protests on Saturday as dem waka against di Mugabe family.

People just begin dey jump up dey happy wen dem announce di decision to comot Mugabe as leader of di party.

One senior official tell one tori person, Andrew Harding say: “Dis be di start for di new era. Mugabe fit go do farming.”

Zanu-PF Central Committee also draw ear say, dem go start di process of di impeachment wey Mugabe Go receive, if Mugabe no carry him two leg, comot as president by noon local time on Monday.

One party official say Mnangagwa, wey be like him don enter Zimbabwe low key, dem don put him name as di party presidential candidate for di 2018 general elections.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.