Governors for d Northcentral region of Nigeria don call on Oga Presido Muhammadu Buhari say make him contest for d upcoming 2019 presidential elections.
Governor Samuel Ortom of Benue, Simon Lalong of Plateau, and Tanko Al-makura of Nassarawa states don announce dia support for d president 2019 ambition.
Dem make d decision for d Northcentral meeting of d national committee of Buhari support groups for Abuja. Ex-governor of Benue state, Senator George Akume kon raise d motion and all d APC supporters for d meeting support am.
Akume for him speech point out say 4 years dey too small for leaders to show wetin dem fit do for d office.
“For 2019, no other credible presidential candidate for d APC dey other dan Buhari,”
Lalong, on d other hand, kon say major stakeholders for d state don already move motion say make dem talk to Oga Presido make him seek re-election.