Di Nigeria Police Force don declare four pipo for di gang leaders and principal suspects wey follow steal money for Offa bank, Kwara State.
Force Public Relations Officer, Mr Jimoh Moshood, talk am for him statement on Friday for Abuja, wey be di Federal Capital Territory.
Him talk say, dem release dia picture for pipo wey get mind to help dem find dia pipo or give dem information wey go helep dem arrest this pipo , as dem do enter INTERPOL watchlist and red alert.
Moshood come tell other security pipo wey dey Nigeria say make dem arrest dem, and hand dem over to police pipo.
Ontop di Tori too, him talk say, Di agencies go helep dem get information wey concern dis thief thief pipo.
“We dey beg general public wey get any information wey concern dis criminals to call police pipo for di phone number, wey be, 08062080913, 08126285268, 08032365122, 07056792065, 08088450152.
“We go protect anybody wey go tell us where di pipo dey and Kwara government go also give di person Five Million (N5,000,000), if di information wey you go give ,go make dem arrest dis pipo.
Di Force talk talk person talk say, as e dey, Di police dey try well well for dia investigation ontop di robbery mata, wey Hapun on April 5, as dem don arrest 20 principal suspects Wey follow for di robbery.
Based on wetin him talk, police collect two Beretta pistols, 20 rounds of live ammunition, and four phones and sim cards from di robbers.