Oga Presido, Muhammadu Buhari and him Vice President, Yemi Osinbajo bin suppose go Abia State capital Umuahia today. Dem bin wan attend d mega rally of d All Progressive Congress but as e be now ehn, d movement don cast.
D travel no kom work again as Oga Presido Buhari cancel him trip to Abia state and as e dey like dis, him dey meeting with Benue state governor, Samuel Ortom, unto d attacks on farmers for d state state by herdsmen wey dey happen everyday.
On New Year day and last Saturday January 6th, some herdsmen wey be people wey dey carry cow waka, bin attack farmers for two communities for d state and dey kill 59 people including one pregnant woman.
Dem go give d victims mass burial on Thursday, January 11th.
D APC mega Rally wey Oga Presido and him Vice President Yemi Osinbajo and other party chieftains bin suppose attend na to receive members of d party wey comot from oda parties come dia own.
See d photos from d Umuahia Town Stadium wey d rally dey happen;