Home / Politics / OKOROCHA DON SWEAR IN HIM SISTER AS COMMISSIONER FOR HAPPINESS

OKOROCHA DON SWEAR IN HIM SISTER AS COMMISSIONER FOR HAPPINESS

Governor Rochas Okorocha of Imo State don swear in 28 new commissioners and 27 Transition Committee Chairmen for d 27 local government councils for d state.

Him ginger dem say make dem prove dia worth for d service of d state and her people. One of d commissioners wey d governor swear in na him biological sister, Mrs. Ogechi Ololo (nee Okorocha) wey be say na same mama, same papa born dem. She kon be d State Commissioner for Happiness and Couples’ Fulfillment.

Ololo, marry one Chuks, and him be engineer, she bin be d All Progressives Congress’ candidate into d House of Representatives for d Owerri Federal Constituency seat for 2015 and she don serve in various capacities since Okorocha enter as d state governor for 2011.

Before dis her new appointment, she bin dey serve as her brother Deputy Chief of Staff  and Special Adviser ontop Domestic Matters.

Swearing in d new commissioners and d Transition Committee Chairmen on Monday for Imo International Convention Centre, Owerri, d governor charge dem say make dem leave dia marks for dia respective ministries and local governments.

Him tell dem say make dem see diaselves as men and women wey dey for rescue mission.

D governor still kon talk say as dem enter so ehnz say dey don comr to be part of d success story of him administration.

Okorocha say, 

“Na una be d privileged group wey get d opportunity to make names for yourselves. I want remind all of una say dis appointment no be business as usual. We no go tolerate any kind sharp practice or mago mago. We no go even accept indolence or laziness. Dey don call una to duty to help us achieve our vision for d Rescue Mission Project.

“As e dey now, I charge all of una to be good ambassadors of d Rescue Mission anywia wey una find yourselves. To d Transition Committee Chairmen, you must make sure say d ongoing projects must be completed especially d schools, chapels etc.”

Him still yan say wetin him administration don achieve so far pass wetin d oda administrations don do for d state, both civilian and military put together.

D commissioners wey dem swear in and dia portfolios na: Prof. Nnamdi Obiaraeri (Information); Lady Ugochi Nnana-Okoro (Agric and Food Security); Gertrude Oduka (Primary and Secondary Education); Dr. Jones Uzoka (Niger Delta Affairs); Uchendu Mark (Public Utilities); and  Gerald Okolie (Rural Development).

Others na Dr. Cyril Okafor (Tourism); Emmanuel Ojinere (Trade and Investment); Chief Lasbery Anyanwu (Transport); Onwueyiagwu Valentine (Youth Development); Mrs. Ngozi Njoku (Gender and Social Development); Chief Josephine Udoji (Works); Achilike Nwawuike (Internal Resources and Pension Matters); Prof. Emenalo Chizoba (Tertiary Education); Nwamerenini Chukwuka (Labour); and Dr. Iyke Njoku (Planning, Budget and Statistics).

D Transition Committee Chairmen wey dem swear in na Okechukwu Onyechere(Ideato South); Sir Anyehe Okeneme (Ikeduru); Julius Onyeneho (Isiala Mbano); Akas Paschal, (Isu); Steve Odoemena (Mbaitoli); Eke Chidi (Ngor Okpala); Aloysius Onwuegbuchulam (Njaba); and Paschal Onwukaike (Nkwerre).

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

MUGABE DON FLY GO SINGAPORE FOR MEDICAL CHECK UP

Former Presido of Zimbabwe wey just comot not too tey, Robert Mugabe don comot for …

Leave a Reply

Your email address will not be published.