Former Publicity National Publicity Secretary of di Peoples Democratic Party, Mr. Olisa Metuh, don collapse as him wan walk enter dock for him trial at Federal High Court in Abuja.
Metuh, wey him and him company, Destra Investment Limited, dey for trial wey Economic and Financial Crimes Commission dey handle on top di N400m wey him receive from Office of di National Security Adviser in 2014, fall down, shortly when dem wan start him case on Monday.
Dis thing hapun for about 9.01am for di courtroom on Monday.
Metuh, bin dey sit for courtroom wey dey close to di dock before di trial judge, Justice Okon Abang.
Di judge kom put di matter down, wey go make him medical officials check wetin hapun to Metuh.
Di medical pipo wey dey work for di court, after di thing hapun, kom enter di court by 9.19am.
Di matter be di first on di list of cases before Justice Abang, wey travel from Warri, Delta State Division of di Federal High Court to Abuja Division to hear Metuh matter and other criminal matter wey dem give am for Abuja.
As e dey now, tori never comot whether him don open him eyes, but we go bring di details.