Karmo Grade 1 Area Court, for Abuja, don sentence one man wey dem dey call, Audu Alhassan to five years prison on Thursday, based on say, him carry hot oil bath one girl.

Di judge, Alhaji Abubakar Sadiq, Judge Alhassan, advise am say, make him learn to dey control him temper.

Sadiq, talk say, why him sentence di guy to five years prison be say him wan make other people learn something. And him add for him talk say, di guy go dey prison for five years wey be 2-years and 6-months.

Alhassan, wey dey live for Karmo village, dey guilty based on two matter wey be, intimidation and hurt.

Dis guy don accept say him do am, and beg Court say, make dem have Mercy for him. Him say him no know wetin make am do dat kind thing.

Di person wey be him Prosecutor, Florence Avhioboh, bin tell court say, na di girl mama , Mrs Safiya Mohammed, report di matta for Karmo Police Station on Oct. 16.

Avhioboh talk say, di woman report say, she send her daughter throwaway dirty things for dustbin and di guy come dey intimidate her.

Di guy bin don talk say, him go kill di girl and her entire family before him carry groundnut oil pour di girl.

Avhioboh talk say, di guy wey do dis, talk am, wen dem dey do investigation.

Di prosecutor talk say, di offence dey against Sections397 and 253 for Penal Code.

 

NAN

LEAVE A REPLY

Please enter your comment!
Please enter your name here