Police don arrest one 34year-old Lusaka man wey imm name na Nshinka Kaputo unto sey imm shoot him 26year-old girlfriend wey her name na Precious Manganisa as she bin go pick up dia daughter from Meanwood for Zambia. 

According to d tori wey dey, Nshinka bin shoot Precious wey dey work for Zambia Multichoice three times unto wetin no too get head seff.

Dem bin see d gun wey d man use shoot d lady for dere with 10 rounds of ammunition and imm bin follow shoot d pikin for neck too.

Medical personnel for Fairview hospital don extract am already and sey police don detain d man while d dead body dem don dey mortuary.

Tori follow comot sey dis gbege happen after she post something about moody people for Facebook.

 

#confamtori

LEAVE A REPLY

Please enter your comment!
Please enter your name here