Home / News / ONE PERSON DON DIE AS COMMERCIAL MOTOR GO JAM TRUCK

ONE PERSON DON DIE AS COMMERCIAL MOTOR GO JAM TRUCK

One driver wey dey work for one commercial transport company don die go on Wednesday after imm vehicle go collide with one moving truck along ogbo-ilo-Eiyekorin-ilorin Road.

Dem talk sey d accident bin happen around 5.15am.

D driver wey be sey dem never know him name yet bin dey drive from Eiyekorin Road Roundabout along Airport Road when imm car kon run go jam one truck wey dey d oda side of d road for TYK filling station…dem talk sey d driver jes die for d spot dia.

E no dey clear wetin make d man drive comot for hin lane like dat buh some ppu wey witness am talk sey e fit be due to break failure.

D Kwara state sector commander, Federal Road Safety commission, Mr. Sunday Maku bin also confam d accident and him talk sey wetin cause d accident na dangerous driving. Him also talk sey d car in question na one light blue car with plate no DAF 65 CF.

Him also talk sey na one person bin die for d car while d oda person get better injury.

D commander also talk sey d relatives don kom carry d dead body comot already.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

“Una Voice Matter, Speak Up, Fight, Fight, Fight As Di Change Don Come – Trump Wishes America Merry Xmas

Donald J Trump wey be American president dey celebrate Christmas with American people as him …

Leave a Reply

Your email address will not be published.