One Village wet be Eti-Oni for Osun State Don use di cocoa dem dey grow do chocolate wey dem dey sell for abroad now.
Dem don dey harvest cocoa for dis community for 121 years since dem introduce cocoa for Nigeria and na for dis village, di thing start for 1896.
Cocoa be di crop wey people for Southwest Nigeria use take develop dem area for 1960s, wey dem take build ogbonge schools like University of Ibadan and Obafemi Awolowo University.
Nigeria use dis cocoa first get television and radio station and di first sky scrapper for Africa, and na cocoa money dem use take do all dis things.
As e be so, dem dey already export small quantity go UK market and popular chocolate maker Duffy na one of dia partners.
Dem talk say,
“We dey use di cocoa dey make our people life to dey better, ” na Oba Dokun Thompson, di traditional ruler of di village talk.
Dis small village wey dey Osun say, dem no wan make dia people wey dey grow di cocoa dey suffer again, so instead, dem go dey sell cocoa for small money, make dem just use am do chocolate wey dem go sell worldwide.
Dem don sell some for London and America and some people from Colombia, Poland and USA don come Eti-Oni and talk say dem go fit work with di farmers wey dey grow di cocoa.