Home / Foreign Tori / One Woman Wey Use Middle Finger Tell Trump “Fuck You”, Don Lose Her Job

One Woman Wey Use Middle Finger Tell Trump “Fuck You”, Don Lose Her Job

One woman wey dem snap photo as she raise her middle finger give US President Donald Trump motor convoy, as di tori carry am, be say dem don sack her from work based on di picture.

Di photo bin go viral after dem snap am on 28 October for Virginia, close to Trump golf resort.

Juli Briskman, wey dem identify as person wey dey on top bicycle for di image, claim say people wey she dey work for – Akima LLC sack her after she make di photo her online picture profile.

Di company no respond to BBC request for comment.

Briskman tell US media say di company don call her for meeting, one day after she tell dia HR department say na she dey di photo wey bin don dey spread like fire for social media.

She tell Huffington Post tori website say dem tell her for di company say dem classify di photo as bad thing, and say e dey against dia social media policy for Twitter and Facebook accounts.

But Briskman say she tell di management say she bin no dey work wen dem snap di picture and say she no mention where she dey work for her social media page dem.

She come claim say, one man wey dey work for di same company,no get sack letter and dem no sack am after him bin post, come later delete one thing wey no dey good too.

She come dey wonder why dem sack am for her job.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.