Osun United don announce today sey dey don sack seven of dia players come still appoint Adebayo Adesina as d new coach of dia Osogbo National League Club.
Before dey appoint am, Adesina bin don dey handle d team as dia caretaker, after dia former coach wey be former Naija midfielder, Duke Udi bin comot go Sunshine stars last season.
Dia spokesman, Tunde Shamsudeen tell our correspondent for phone sey dia team no get coach since Udi comot and Adesina bin be one of Udi assistants wen imm dey and d management believe sey imm fit take d time go back d premier league next season.
Dem kon follow appoint one Waheed Olapade as one of dia assistant coach.
D club bin sack 19 out d 26 players wey dem get last season.
Shamsudeen talk sey d club sack dem based on dia poor performance last season.
D players wey dem sack na Dangbin Gosselle, Olabisi Olagunju, Mojeed Yusuf, Sakiru Sally Yusuf, Samson Awomodu, Adeyemi Adeyemi and Soga Sambo.