Palestine People wey pass hundreds don dey protest for Gaza city Wednesday against di move wey United States won use change di status quo for Jerusalem.
Dis people match from Al-Saraya square wey dey central Gaza come follow where dem dey call unknown Soldier square wey dey west side for di city based on di call Palestinian national factions make.
Dis Palestine people wey dey vex well well dey shout against Trump plan on top Jerusalem as Israel Capital move or move dia US embassy to Jerusalem , and dem dey raise Palestinian flags and dey talk say “To Trump: Jerusalem be red line ” and “We go protect Jerusalem with our souls and bodies.”
Islamic Hamas movement senior figure Salah Al-Bardaweel tell Xinhua wen dem dey march say, him dey angry based on say
“Dis one be one step wey US wan do against Arab and Muslim people for Jerusalem.”
Him talk say wetin America wan do Dey “very dangerous for Palestinian issue and say na attack on top dia holy Qur’an, history, heart and soul.”
Islamic Jihad leader Khaled Al-Batsh tell Xinhua say US decision “don show failure for di peace process.”
Him talk say, dem nogo do any kind of business again with US and tell Arabs and Muslims say, make dem withdraw recognition of Israel and comot from Oslo accords wey dem sign between Palestine Liberation Organisation and Israel in 1993.
Mohammad Al-Helou,wey dey old for Palestine, wey follow for di demonstration tell Xinhua say,
“we tell Trump say make him reject di concessions wey concern Jerusalem, wey be capital for Palestinian state wey go come .”
As e follow for dia protest , person wey be dia social media activists tell dem say make dem dey do social media campaigns with hashtag (#Jerusalem_Is_Our_Capital) and (#HandoffJerusalem).
For office wey dey West Bank city Ramallah, Palestinian Prime Minister Rami Hamdallah call meeting for dia representatives for dia diplomatic corpse and di European Union representative on top wetin US wan do.
Him talk for email press statement say, di move “go put fire for violence for di whole region based on say, Jerusalem no dey only important to Palestinians alone, but say e dey important also for Arabs and Muslims, wey don reject di decision.”