Home / News / PDP DON SWEEP AKWA IBOM FOR DIA LOCAL GOVERNMENT ELECTIONS

PDP DON SWEEP AKWA IBOM FOR DIA LOCAL GOVERNMENT ELECTIONS

D People’s Democratic Party don win d December 2, 2017 local government elections for all d 31 local government areas of Akwa Ibom State.

D results show say na PDP win d 31 seats for council chairmanship and 329 slots for councillorship.

For statement wey d chairman of Akwa Ibom State Independent Electoral Commission, Mr. Aniedi Ikoiwak, sign for Uyo on Sunday, e show say dem conduct LG election in line with relevant laws.

“Na 12 political parties bin contest for d election and People’s Democratic Party (PDP) kon win all d 31 chairmanship and 329 councillorship seats.

“Dis statement don confam d announcement/declarations wey d authorised returning officers make for dia various wards and Local Government Areas,”

According to d statement, d details of scores wey d field officers submit go dey available by d Field Operations /Logistics Department of d Commission.

D statement thank d stakeholders and d good people of Akwa Ibom for d good conduct wey dem show during and after d elections.

For statement by d Electoral Commissioner, Legal Matters and Public Affairs, AKISIEC, Dr. Faith Umoh, make, e say d chairmen and councilors-elect go get dia certificates of return on December 4.

Meanawhila, d All Progressives Congress for Akwa Ibom State don reject d results of d elections as dem talk say AKISIEC lack dependence.

For statement wey APC statement chairman Dr. Amadu Attai sign; d party state caucus chairman, Dr. Don Etiebet (CON), and d state secretary, Dr. Effiong Etok, for Uyo on Sunday, say d party bin don inform all dia candidates, members, and dia supporters say dem go reject results of election wey dem no conduct within d provision of Electoral Act 2010 (as amended).

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.