Home / News / PDP GOVERNORS SEF AND OTHER PIPU WAN GO VISIT OUR PRESIDENT

PDP GOVERNORS SEF AND OTHER PIPU WAN GO VISIT OUR PRESIDENT

PDP don select among diaself Six Governors wey go comot Naija today to go visit our Preside Muhammadu Buhari for Yankee.

We hear say for Abuja, yesterday night, say na National Security Adviser, Major General Babagana Munguno (retd.) plan this dia movement to travel.

But we no know if na the NSA dey responsible for the six Governors wey dem pick to travel. Say the six Governors wey dem pick na from the six geo-political zones of we country.

Among the six Governors wey dem pick na Udom Emmanuel (Akwa ibom) wey dey represent South South, Dave Umachi (Ebonyi) wey dey represent South East, Abdulaziz Yari (Zamfara) wey dey represent North East, and Abiola Ajimobi (Oyo) wey dey represent South West.

The other two Governors wey their names we no get suppose represent North East and North Central.

One PDP Governor, wey no dey among dose ones wey dey travel go see Buhari, talk say the ones wey dem pick to travel so no dey part of wetin him describe as the Nigeria Governor’s Forum.

Him follow talk say him shock when him hear of the journey from one of him fellow Governors as dem talk say the Secretariat and Governors dem bin no know about the trip say if to say them know them for pick at least one of the PDP Governors wey bin be Presido padi.

Him talk say : “Our colleagues wan go Yankee to see Oga Presido. But me I no dey happy say Person like Governor Ayodele Fayose of Ekiti state or even Rivers state Governor, Mr. Nyesom Wike no dey the list of pipu wey dem choose”.
“Even as all of dem wey dem pick be PDP Governors, we know weself and we know those ones wey fit sly us and those ones wey dey close to our enemy APC people them”.

Them bin don tell the Governors dem say make dem dey the Presidential Wing of Nnamdi Azikwe International Airport, Abuja, today, (Tuesday). Na for there dem go fly go Jand.

The Governors dem suppose chop lunch with Oga Presido before them come back Naija on Wednesday.
One Governor, wey say him no want make them name appear tell Punch on Monday night say :
“Yes o, they bin talk about the travel say some APC Governors even argue am but him no want talk anything about the matter for now”.

Buhari wey dey collect medical treatment for Yankee for Jand on Sunday bin receive APC National Chairman, Chief John Oyegun, and four state Governors inside the Abuja House for the British Council.

The Photo of the meeting wey dem release wey be the very first since Presido comot for Naija since May 7, make us get hope say him fit return Naija very soon.

Dey never release the exact date wey him go enter Naija even when they hold their meeting with APC state governors on Sunday, dem still no fix date wey Buhari go come back.

We gather information say the President don improve well well o but say no him doctors know when him go come back.

One of the informant yan us say : “Oga Presido sound am clearly for the letter wey him send go National Assembly say the time wey him go still dey Yankee dey the Doctors dem hand o. Say them must dey sure say him dey fit before him come back. Even Special Adviser to the President on Media and Publicity matter, Mr. Femi Adesina, confirm say this tory na true.

Dem even try to ginger Mr. Adesina to tell dem when exactly Presido Buhari go show na imm him come talk say:
“I no be doctor, even if I be Doctor, una get eye to see say I no dey part of the team wey dey treat Oga Presido”. “When him go come back, na him medical team go decide.
Adesina follow tell one of the people wey report this news say the meeting wey dem bin get on Sunday na just one random meeting wey him for gist with anybody.
Him say “plenty plenty meetings still dey road dey come say Sunday own na small.

Presido Spokesman come talk say two cases dey ground at the moment for court unto say make talk say Buhari no dey on shape to rule we country. They come say make Senate President Bukola Saraki create medical panel wey go chook eye for Buhari health matter.
Presido spokesman say the two cases no even consyn Oga Presido say him go dey even shake body unto the matter.

Facebook Comments

About Author

Hot Trending News brought to you on time all in Pidgin

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.