Home / Gist / “Perish Una Dreams For 2019 Election ” -MASSOB, IPOB Tell Buhari And Atiku

“Perish Una Dreams For 2019 Election ” -MASSOB, IPOB Tell Buhari And Atiku

Di Biafran group wey be Movement for Actualisation for Sovereign State of Biafra on Monday don tell President Muhammadu Buhari; and person wey bin be Vice President Atiku Abubakar and other people wey dey plan to contest for presidential ambition in 2019 say, make dem perish dia thoughts and di dream dream wey dem dey dream, as dem talk say, Nigeria go divide before dat time .

For dia statement wey tori people gather for Awka, Anambra State from MASSOB leader, Uchenna Madu, MASSOB talk say, na three Nations go dey 2019.

Di statement carry am say,

“We wan tell all di people wey be political gladiators for Nigeria say, dia dream for politics 2019 nogo work, based on say, Nigeria nogo dey again before dat time .”

“Before 2019 go end, we nogo get anything wey be Nigeria Again. Wetin we go get be new country wey be, Biafra, Oduduwa, and Arewa Republic ”

Dem don talk am before say, na Buhari go be di last president for Nigeria.

E dey painful di way Nigeria still dey answer dia name wey colonial government give dem, colonial masters, as dem talk say, country wey bin dey answer Gold Coast(Ghana) Upper Volta(Burkina Faso) and Tanganyika (Tanzania) change dia name after dia independence wey dey show dia cultural content.

“Every nation get dia spiritual staff, and MASSOB wan tell Nigerian people say Biafra no follow Nigeria Again as dem get dia spiritual anchor and Nigeria nogo exist again ”

“Military and Islamic Republic nogo stop Biafra again . MASSOB and IPOB don agree together say enough don be enough .”

Him talk again say, as IPOB and MASSOB don join together, e go make di thing to work well well.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.