Person burn himself based on suffering for Nigeria
One man wey dey him early 20 years plus, on Wednesday afternoon, burn himself for Omole Phase 1area wey dey Ojodu, Lagos.
Him burn himself with one gallon of petrol based on hardship wey dey Nigeria.
Di eye-witness wey see wetin hapun, Ben Chinedu, tell Daily Sun say: “I dey Gate when I see crowd and I stop to make ask.
“I see one young man for 20s; him dey armed with one gallon of fuel.”
“Him bin dey shout on top of him voice say, him don tire for him life.”
“Him talk how him don meet plenty people to arrest am and every person no give am face.”
“Him tell plenty people say dis country dey under spell and nothing fit work again.”
Him talk say, ” no hope and future for di youth, him no longer bear di ‘suffering-and-smiling’ syndrome and dey pretend dey show happiness like plenty people.”
“Him threaten to kill himself, but people think say him no fit do am. ”
“Him pour di fuel on him body and bring our lighter, and put fire on him body and start dey burn.”
“We start dey pour water on am, but di fire don burn am wella.”
“We call police wey come carry am as him no dey conscious dat time. We no know di man and where him come from”
“Police public relations officer, CSP Chike Oti, wey confirm di tori, yan say di man dey get treatment for Lagos State Emergency Centre, 7-Up area.”
Oti yan say: “Divisional Police Officer, Ojodu, receive one distress call sey, one man set himself ablaze and we run go di place with some officers. ”
“When di police reach there, dem stop di fire and carry di man go Lagos State Emergency Centre, where him dey receive treatment now.”
“Di man still dey unconscious based on say him receive third-degree burns.”
“But di Commissioner of Police don give DPO wey dey incharge order for Ojodu to carry di man wey wan commit suicide go hospital.”