Person wey bin be Donald Trump manager for him presidential campaign, Paul Manafort go answer for di case wey concern di investigation for di matta wey Russia chook inside US presidential election.
Di matta be say,Mr Manafort don land for FBI office for Washington with im lawyer on Monday for di matta wey dem dey investigate.
Person wey be dia special official, Robert Mueller be di person wey dey lead di investigation wey dey look into di matter, make him know, whether Trump campaign and Russia get connection.
But di two sides don talk say, nothing at all dey between dem, and dem no get business.
Mr Mueller team don do plenty interview with many current and former White House officials dem on top di matter.
One of di people wey dey follow Mr Manafort do business, Rick Gates, don get order from authorities to surrender himself too.
As di matta dey now, US don package 12- count charge, keep on top Mr Manafort and Mr Gates, wey be :
Count 1 – Plan against di United States.
Count 2 – Plan to chop money.
Counts 3-6 – Dem close mouth on top foreign bank and financial accounts.
Counts 7-9 – Dem close mouth on top foreign bank accounts and finances. (Different different years).
Count 10 – Dem no register agent for dia foreign principal.
Count 11 – Dem no talk true and dem use cunny way for FARA statements.
Count 12 – Dem no talk true for statements.
US intelligence agencies dem, don already conclude say Russian get hand for Trump election. But Trump don talk say him hand no dey for Russia matta say na bad belle people wan cause wahala.
If you get better tori for your side.,
send am to 0703-754-1935-whatsapp (Faithful)