Cleo Tao, Ogbonge popular radio presenter for Akwa Ibom State, don kpai.
Na she bin be d Head of Programmes for one private radio station, Planet 101.1FM for Uyo. She die on Friday for d University of Uyo Teaching Hospital, UUTH, Uyo.
Tony Afia, d CEO of Planet FM, na imm confam dis sad news on Friday evening, and him say;
“Na just last week she sick and dem carry am go hospital shaperly go put am for d emergency intensive care unit for University of Uyo Teaching Hospital. She kon die today.”
Dey bin suspect say na one kind respiratory sickenss kill Ms. Tao as na wetin she write for her Facebook post on Thursday.
She bin write say;
“Sorry guys, I bin get respiratory challenge, I dey respond to treatment. I go soon comot from here. Una thank you for your kind prayers,”
People wey close to Ms. Tao talk say she bin dey very energetic, lively and very passionate about her job.