Police don arrest woman, Bose Christopher, as she dey involved for cultism just 24 hours to wedding ‘introduction’ for Abeokuta.

D police yan say na Federal Special Anti-Robbery Squad, FSARS, catch d suspect during d initiation of cult members for hotel.

Dey say Miss Christopher bin go d initiation ceremony with her boyfriend when Police  arrest am with other suspected cultists.

D accused follow PREMIUM TIMES talk on  Wednesday as dem dey parade am with d 30 other members of d cult group for d police headquarters, Eleweran in Abeokuta.

She talk say;

“Na true say I follow my  boyfriend go d party and na true say my wedding introduction na d next day wey I follow my boyfriend go d ceremony,”

But Miss Christopher kon talk say she no be member of d cult group and she bin no know say her boyfriend, wey she claim say dem start dia relationship two weeks ago, bin be cultist.

She say;

“I meet am(boyfriend) two weeks ago and I no know say him na cult member. Him just call me after I close from shop say make I join am for d party,”

She talk say she na fashion designer, and say her husband wey she suppose marry d next day bin don stop to dey communicate with am since d Police arrest am. 

D police kon talk say d 35 suspects dey guilty for offence wey be armed robbery, impersonation, kidnapping to rituals.

D Commissioner of Police, Ahmed Ilyasu, on Wednesday, kon talk say dem arreat all of dem for different places for d state.

Him still talk say dem collect arms and ammunition, snatched vehicles, military uniforms and human parts were recovered from dese suspects.

D police boss kon talk say dem go charge d suspects go court shaperly after police investigations.

LEAVE A REPLY

Please enter your comment!
Please enter your name here