Di Niger State Police Command on Monday don arrest one man wey be Abubakar Suleiman wey carry fake dollar wey dey 88.

Person wey dey speak for di command, SP Abigael Unaeze, as she dey show dem to news people wey dey Minna,she talk sau, Suleiman  and three other people get di plan and take him father in-law to one place wey dey koggi state and dey pretend say, dem wan cure sickness wey dey disturb am.

Di police mouthpiece talk say, dem arrest am with one bag wey contain 88-dollars and him don confess say yes na fake dollars.

She talk say, as e dey now dem don start investigation into di matta well well.

For another matta wey concern di tori, Unaeze talk say, di command don arrest six people wey carry Marijuana wey reach 86-wraps, 11-Duazepam pack, one big bond pack and matches.

According to wetin she talk, di policeman wey dey detect matta wey dem get to di command, don also get Ak47 gun wey get 25-rounds for 7.62×39mm live ammunition wey di gang get.

Dis arrest na based on di call wey she receive say, robbers dey attack Dr, Amandi Akorbundu, wey dey for Bosso Area for di state.

Unaze talk say, na wen di police detective chase dem, be di time wey di criminals leave dia gun run comot.

Person wey dey talk for police people, talk say, dem go carry di suspects go court after dia investigation.

She come talk say, make people help di police to get information wey concern where di criminals dey stay and make dem report to police station any time dem get information.


Please enter your comment!
Please enter your name here