Home / News / POLICE DON ARREST SUSPECTED ROBBERS FOR MINNA

POLICE DON ARREST SUSPECTED ROBBERS FOR MINNA

Niger State Police command don arrest two suspected robbers wey dey terrorise Tunga, Minna.

Police people bin don follow d suspects wey be Shehu Illiyasu wey dey 29years and Ibrahim Aliyu wey dey 18years kon arrest dem after dem bin rob one Adamu Mohammed of imm motorcycle.

Dem bin don beat am give am better injury before dem kon collect hin Boxer Bajaj motorcycle wey worth about 230,000.

D command Public Relations Officer wey be Abigail Unaeze yan give Northern City News say d operatives bin follow recover d stick wey d suspects take knack d victim.

According to am, during dia investigation, Illiyasu  bin confess sey na him and Aliyu wey from Tafa for Kaduna state bin plan together to take rob d victim and sey na cos of d way d country dey make am do da kind tin. Sey imm no get job wey imm fit use take care of himself so dis one make hin dey rob people to take see food chop sey hin no fit dey without money.

Him still talk sey him no get regret at all and sey if dem give am d opportunity again sey hin go commit d crime because d situation don dey bad like dis. Him talk sey nothing dey work for d country and sey people dey suffer well well.

Police kon finally talk sey dem go charge d suspects go court once dem conclude dia investigation.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

20 CARS DON BURN AS TANKER EXPLODE FOR FESTAC

Up to 20 cars  and four okada don burn trowey dis afternoon after one tanker …

Leave a Reply

Your email address will not be published.