Home / Family & Relationship / POLICE DON ARREST THE MAN WEY TIE HIM PIKIN FOR WINDOW AGAIN
The 13-year-old boy wey him papa tie for the window for three days

POLICE DON ARREST THE MAN WEY TIE HIM PIKIN FOR WINDOW AGAIN

Dem don discharge Tobi Segun wey be dat 13-year-old pikin wey him Papa tie put for window.

As the tori enter news yesterday na imm Police people wey bin don already release the suspect rush go arrest am again kon carry am go court.

The man wey him name na Segun Austin Ojumola wey dey stay for Eruemukohwarien community for Ughelli North Local Government Area for Delta State, tie him pikin (Tobi Segun) put for burglar proof based on say one Pastor tell am say the boy na winsh.

Dey don discharge Tobi from the hospital but him bin get very serious wound from hot iron wey him Papa bin use burn am.

Ugheli ‘A’ Division Police Station bin lie say dem bin no release Segun o but Vanguard been get correct gist say dem bin don release am on bail.

Dey don make efforts to try reach DSP Andrew Aniamaka wey be the Delta state Police PRO so we go know wetin happen but one Chief for the community tell Vanguard weldone oooooo….una try wella to publish this tori. Na as the police people see say una don post the tori, na him dem come back come arrest the man again.

As dem arrest am so na imm dem charge am go court sharp sharp come carry am go Okere prison for Warri.

As dem call Mr. Segun line yesterday evening na imm wife wey be Mrs. Edijala Favour Segun pick am kon talk say like this say her husband still dey sanko.

she talk say :

 Them don arrest my husband, carry am go Okere Prison. I dey Ughelli Police Station now and them wan still carry me go Okere today (yesterday).

Welfare people done carry all of the children. I no know which kin wahala be this.”

source : Vanguard

 

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

Pope Francis don talk say, Islam, Christianity, and Judaism na di same thing, and no …

Leave a Reply

Your email address will not be published.