Lagos police command don do better job as dey don catch three of d armed robbers wey enter Nollywood actor John Okafor, aka Mr. Ibu house for Lekki Lagos, for weekend.

Mr. Ibu confam d arrest give E-Daily when dem contact am yesterday, him still kon add say d police don already start to dey ask dem questions, for oyibo gramatica, investigation make dem for know wetin exactly happen.

Him yan say two out of d three suspects wey dem arrest, na CCTV wey Mr. Ibu put for him house pick dia face, na so dem take carry dem o.

According to d comic-actor wey dey Enugu now, d yeye thief thief people break him house enter for d weekend, kon carry plenty of him property and money wey worth more dan N14.3 million.

Mr. Ibu kon explain say;

“ My wife tell me say d operation start around 3am kon last till about 4:25am on Saturday morning and na so dem pack all my property and money go.

Mr. Ibu still kon yan say dis kind gbege wey knack am so ehn, say na “big shock to am”,  Him say him no ever expect make dis kind thing happen give am for dis new year.
Mr. Ibu, wey be GoTV Ambassador, na one of Naija most talented funny characters wey don show for many Nollywood films.



Please enter your comment!
Please enter your name here