Nasarawa State Governor Umaru Tanko Al-Makura don comot kom talk say d people of d state don dey ready to receive President Muhammadu Buhari, wey dem dey expect for d state tomorrow Tuesday for a one-day visit.

For statement wey Chief Press Secretary to d governor, Musa Elayo, sign yesterday, e talk say d state government don finish all d necessary arrangements to take receive Oga presido.

Wetin President Buhari wan go do for dia na to commission one Special School for Disabled, Karu International Market, 330KVA Power Station and Pilots Comprehensive Primary Healthcare Center for Lafia.

Al-Makura say,

“President Buhari dey come him political laboratory where him lay d foundation of him political ideology and vision of transparency, fight against corruption and entrenchments of social justice. We regard am as d son of d soil wey dey come back home.”

D statement kon make am clear say na only accredited media practitioners dem go allow to cover d event o and dey kon follow beg people for d state say make all of dem comot kom support d government as dem go welcome Oga presido.



Please enter your comment!
Please enter your name here