President Muhammadu Buhari go sign N9.1 trillion 2017 Appropriation Bill next week.

Special Adviser to di President on Media and Publicity, Femi Adesina, announce am on Wednesday as him dey brief State House tori people on di outcome of Wednesday meeting of di Federal Executive Council (FEC) meeting wey Buhari be di oga.

As di mata dey, di presidential help-help Person no fit say wen exactly next week di president go sign di budget.

Him talk am say: “I fit tell una say , di President will sign di bill next week, but l no know particular day him go do am. But will go tell una di day him go sign am.”

Adesina also announce di approval wey FEC give 14 roads for rehabilitation and reconstruction contracts wey dem go use N185. 276billion do di work, and dem list di roads as Gwoza – Damboa – Goniri – Ngamdu Road wey dey Yobe/Borno States wey Hajaig Construction Nigeria Ltd go hsndle, di Mayo Belwa – Jada – Ganye – Torngo Road wey dey for Adamawa by Messrs Triacta Nigeria Ltd.

Also di roads wey follow for di ones dem approve na Ado – Ifaki – Otun – Kwara State border wey dey  Ekiti State and di  Makurdi bridge wey dey for Benue State wey dem award give Messrs AG Visio  Construction Ltd and di Ihugi – Korinya -Wuse -Ankor wey dey  Benue State Datum Construction Ltd.

Other roads wey dem follow approve na Gbagi – Apa – Owode wey dey for Badagry Lagos State by Messrs Smithcrown Nigeria Ltd, construction of Ijebu Igbo – Ita Egba Owonowen wey dey Ogun and Oyo states Messrs DC Engineering.

FEC also approve say make dem divide di road into and di roads na  Jattu – Fugar – Agenebode road wey dey for Edo Phase II by Mothercat and Makurdi – Gboko – Wannune – Yander Section 1 wey dey for Benue State to Messrs Rockbridge Construction Ltd.

Others ones na – Enugu – Poth Harcourt Road at Agbogugu – Abia border Spur by Messrs Setraco Ltd, rehabilitation of Umulungbe – Umoka road and di Amokwu – Ikedimkpe – Egede – Opeyi Awhum Road wey dey Enugu State to Messrs IDC Construction. Di Nkwu Inyi – Akpugoeze wey dey Anambra State na Anbeez Services and construction of Sabon Birnin – Tsululu – Kuya – Maradi Junction road in Sokoto by Messrs China Zhonghao Nigeria Ltd go do di work .


Please enter your comment!
Please enter your name here