Federal High Court wey dey sit for Abuja, don order Senator Abaribe, say, make him give reasons why Nnamdi Kanu no appear for court yesterday.
Justice Binta Nyako don give Abaribe and two other people wey follow am sign surety options to bring out Nnamdi Kanu or dem go forget di N100-million wey dem one person for di three persons each, use bail Nnamdi Kanu.
Federal High Court wey dey Abuja, don order Senator,Enyinnaya Abaribe wey dey represent Abia South, to bring out Nnamdi Kanu based on say, na him follow sign for Nnamdi Kanu, wey be oga for Indigenous People of Biafra, wen dem bail am from prison with N100-million each person for di three men wey bail am out.
Di court don give di order on Tuesday, October 17, 2017,after Sen. Abaribe tell Court say, make dem remove am as Nnamdi Kanu surety for di bail dem give Nnamdi Kanu.
Justice Binta Nyako don order di Senator say, make him appear for Court and give reasons why Nnamdi Kanu no come court yesterday.
Nyako also don give Abaribe and di two people wey follow am sign three options wey dem go choose one – make dem produce Nnamdi Kanu, or dem go forget dia money wey dem give before dem release Nnamdi Kanu or make dem ask for time wey dem go use produce Nnamdi Kanu.
She talk say, Abaribe she go discharge Abaribe from di surety wen dem appear for Court for him trial or make him forget him N100-million Naira wey him use bail Nnamdi Kanu
Newsinpidgin.ng don report before say, Nnamdi Kanu no appear for Court, as him suppose appear before Justice, Binta for Abuja High Court, and Nigerian government carry army go kill plenty people for him place, and nobody know where him dey now.
As we wan raise matta, di first person wey di court give bail, on 25th for August, based on medical challenge no appear Court.
Di matta be say, Binta don dey use politics for Law and Justice, as she no even mention how Army people wan kidnap Nnamdi Kanu, and how dem succeed, as Nnamdi Kanu don miss since di day dem kill plenty people for him house.