Aruna Quadri, Segun Toriola, Offiong Edem with Funke Oshonaike don dey expected to showcase diasef for d 2018 ITTF Africa top 16 cup for Nairobi Kenya on March 1.

Quadri go jamm head with Egyptian Omar Assar as hin dey look to defend d title wey imm bin win for Sudan last year while Edem wey bin lose for d final to Egyptian Dina Meshref go dey look to reclaim d title from d African No1 female player.

According to ITTF Africa, d top 16 players for d men and women singles go compete for d qualification wey go kon carry dem go d 2018 ITTF world cup wey go hold for d same venue.

Naija and Egypt dey present four players each, two for d mens singles and two for d women’s singles.

Dem also talk sey Toriola, Oshonaike and Edem qualify based on d continental rankings. Apart from Meshref and Assar, Egypt go dey represented by Yousry Helmy and Ahmed Saleh.

Each country wey dey d competition dey expected to get maximum of two players for d men and women events.


Please enter your comment!
Please enter your name here