One new case wey don land for court for America dey claim say R&B wey be singer R Kelly know wetin him do wey him infect one 19-year-old woman with STD wey no get cure.
Based on di claim wey lawyers for Faith Rodgers carry go court yesterday talk, she and R Kelly dey for relationship for almost one year wen him begin dey abuse am.
But person wey dey represent di singer talk for April say everything wey dey di lawsuit no dey true.
R. Kelly dey face fresh accusation on top bad sexual behaviour Bill wey fit end him life for jail as him put him hand inside her bra, come press her breast’
For interview wey Faith sidon do wit tori pipo, she open up unto di claim of R Kelly bad sexual behaviour.
For May 2017, Faith bin yan say R Kelly fly her go one of him shows for New York.
But ,around 6am di singer call her for phone, next thing, him show for her hotel room then give her order make she comot her cloth.
She say him dey behave rough but wen him begin touch her, she no fit resist am.
“I tell am say l no dey ready for sex, say I no dey sleep with person wey l just meet for di first time – no be di kind person wey l be.”
Faith claim di singer relax small and him yan say na when people dey hungry for am, him go perform ten over ten.
For her mind she believe say e don dey clear like clean water inside glass cup say she no wan sleep wit am.
But R Kelly begin rub Faith for her back.
She claim say e no waste time wey R Kelly begin nack am and at di same time him dey use dirty talk abuse am.
Faith also claim say R Kelly dey call himself “Daddy” and dey call her ”little doll” as dem dey roll for bed.
Month after month for dis year and last year, former girlfriends of R Kelly kom comot and accuse am of plenti bad sexual behaviour.
Time after time di singer don deny say him no do anytin wey no good to anybody.
Bill Cosy na one of di big entertainers for US wey sexual abuse mata don land am for inside big wahala
Di #MuteRKelly wey start for July 2017 na social media campaign to make pipo no go di Grammy Award-winner shows or buy him music.
For April di management of R Kelly talk say di plenty claims wey dey follow di musician – and di wahala wey di Time’s Up movement don cause am – “na greedy and wicked plan to shame R Kelly, him family and di women wey him dey parol with”
Music internet companies wey include Spotify and Apple, don comot R Kelly songs from dia playlists.
For di mata, faith don claim say di singer force her to give am oral sex and she suffer plenty wicked sex experience.
As e dey , R Kelly don enter court bin enter court 2008 on top child pornography but him win di case
She talk say one of dis experience happen for one show.
“Na for backstage we dey, dem dey call am make him come stage; him blank dia corner. Him comot him trouser, bend me for front of mirror, hold me for my neck and he just enter inside me.”
“E dey rough. E give me pain,” she talk.
Faith claim say she discover she don catch herpes.
“Di news scatter me,” she talk am. “Shame no gree me see road; no be like something wey get cure.
“Di part for where l confess everything to my family, na him hard pass […] I blame myself for plenty things”
During dia relationship, Faith bin talk am say, R Kelly give am contract make she sign for where him promise to give am “protection” but she no gree sign di agreement.
She talk say di inner circle of R Kelly na “puppets” dem be wey dey follow am like zombie.
“Him na master and dem be slaves,” she talk am.