Di Lawyer wey Nigerian government dey fear well well, Femi Falana (SAN) don tell Buhari say make him release Ambazonian Freedom Fighters leaders now to dia group.
Dis Fire brand Lagos lawyer, wey be Senior Advocate of Nigeria (SAN) Femi Falana, don tell President Muhammadu Buhari make him give immediate order to release di President of di Interim government of Ambazonia and him people , na wetin Nation News Paper report . Him also caution federal government say, make dem no try release di freedom fighters to di colonial President of La Republic du Cameroun (LRC), Paul Biya.
Falana,talk for di statement him give for Lagos yesterday say, na based on say, Nigeria no get extradition treaty with LRC.
Di matter be say, Armed official team wey come from State Security Service (SSS), Been arrest dis Ambazonia President and him people on Friday, for Nera Hotel wey dey Abuja. Di Ambazonia President dem arrest be Sisiku Ayuk-Tabe and 9 other leaders.
Other people wey dem arrest be : Professor Che Awasum, Barister Nalowa Bih, Batister Eyambe Elias, Dr. Fidelis Che, Dr. Nfor Ngala Nfor, Dr. Henri Kimeng, Dr. Cornelius Kwanga, Dr. Ojong and Mr. Tassang Wilfred.
Based on wetin di nationnews paper talk, dem still dey where dem no fit receive informate or give informate, for where people no know.
Dis SSS people no allow dem see dia lawyers, dia doctors and dia families wey dey against di United Nations law wey dem dey call, United Nations Minimum Standards for treatment of prisoners.
As Femi Falana dey react to di matter, him condemn wetin Nigerian government do and come dey talk say, Di Nigerian Attorney General no get power to start di plan wey dem go use comot dis Ambazonia people, as e dey against Extradition Act, (E25)Law of Federal Government Of Nigeria,2004 for dem to pursue dis people comot from Nigeria based on wetin President Biya for Cameroon want.
Falana talk say, make dem no do anything to dis people based on say, dem get right to enter Nigeria and comot Nigeria without any molestation.