Home / Gist / RESIDENT DOCTORS DON GIVE DIA NATIONWIDE INDEFINITE STRIKE NOTICE

RESIDENT DOCTORS DON GIVE DIA NATIONWIDE INDEFINITE STRIKE NOTICE

The National Association of Resident Doctors (NARDs), don comot nationwide strike notice wey go start on Sept. 4.

Dr. Olusegun Olaopa, wey be d President of NARDs, University College Hospital (UCH), Ibadan, announce dis one on Wednesday for statement wey d give news people for Ibadan.

Olaopa yan say d resident doctors sef go soon start indefinite industrial action wey be strike on Monday so FG go look dem face.

As him take put am, d action na with d statement wey Drs. John Onyebueze and Aneke Emmanuel, National President and Secretary of NARDs, sign.

D statement talk say dem agree to start d strike for d NEC meeting of NARDs wey bin hold for Abuja on Aug. 26.

E read say;

“D Federal government talk less of state government don show commitment to our recent issues not even d agreements wey we bin get before now.

“Unto d matter na, d association don agree say we go start total indefinite industrial action from Monday, September 4, 2017, until all d matta dem don dey solved permanently.

“Nationwide pre-strike protest against dis injustice go hold for all our branches nationwide and states of d federation for Aug. 30, 2017.

D members of NARDs dey shout say make government dem for chook eye for dia matter and make dem pay all d gbese wey dem dey owe unto salary matter wey be say both federal and state tertiary health institutions dey involved.

Other wahala na d enrolment of resident doctors into Integrated Personnel Payroll Information System (IPPIS) since 2003, and non-implementation of adjusted House Officers’ Entry grade level since 2014.

D resident doctors follow dey ask for d end resolution of all d wahala around stagnation of promotion and non-promotion of members wey meet d criteria.

Resident doctors for UCH for Jan. 6, bin don do one-day protest rally unto dia November and December 2016 salaries wey don no pay.

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

BREAKING: FG DON FINALLY HAND OVER STATE HOUSE, MARINA TO LAGOS

Ogbonge Federal Government on Tuesday don complete d process of handing over d State House, …

Leave a Reply

Your email address will not be published.