Home / Politics / RESIGN MAKE WIKE THINK WELL – Leyii Kwanee
Resign make wike think well
Resign make wike think well

RESIGN MAKE WIKE THINK WELL – Leyii Kwanee

Before before Number 2 Oga for Rivers State House of Assembly , Hon. Leyii Kwanee don ginger say make people wey dey work with Governor Nyesom Wike, Make dem resign so Wike go fit dey think well.

Oga Kwanee been give dis charge when him hear say the government don release One million dollars for 21 student wey dey school for yankee, Wike  release this money as Oga Kpata Kpata for Rivers State Sustainable Development Agency RSSDA, Larry Pepple resign.

Oga Larry Pepple been resign him appointment base on wetin him describe say Governor Wike no get vision for RSSDA wey dem been set up since 2008.

Base on the matter, Oga Kwanee  dey para say why the Governor go wait ,make dem first ginger am before him go take simple decision

Kwanee wey been represent Khana Constituency 2, during the 7th state Assembly, don yarn say make Governor Wike consider wetin Rivers state student wey dey yankee dey go through.

Kwanee yarn say, Make we thank Larry Pepple base on say na as him resign so, naim make the Governor reason well.

If to say Oga Larry no resign, maybe the governor for no reason well, but wetin shock me be say, why Governor Wike go wait , make the matter worse before him go fit important decision wey affect our young people like this.

We dey grateful as him release $1m wey go cover 28 students, but wetin go happen to 272 wey dey different schools for yankee

 

 

As e be so, e be like say Commissioners, Head of Agencies go begin resign so that Governor Wike go fit dey reason well

Base on the informate wey we dey get, say some of the student wey dey yankee don dey beg, e go dey wicked say Oga Governor go leave our children for this kain bad situation

 

Facebook Comments

About Ndeesor Tuale

Check Also

MMM NIGERIA : Today Don Make Am One Year Dem Carry People Money Run

Today don make am one year now wey MMM carry Nigerian people money go enjoy. …

Leave a Reply

Your email address will not be published.