Former chieftain and deputy talktalk person of APC, Frank don tell Vice-President Yemi Osinbajo to resign.

Him tell am say, if him no resign him go open him nyash for public.

Dis talk comot on Monday, as Frank say vice-president no dey fit to still dey for office.

Na based on say him approve N5.8 billion for National Emergency Management Agency (NEMA).

Osinbajo approve di money when him be acting president.

Di money wey him give to NEMA na for north-east intervention fund.

Last week, di house of representatives, talk say e dey illegal based on say Osinbajo no tell national assembly.

Di people wey dey make law say make dem dismiss Mustapha Maihaja, director-general of NEMA ontop di wuruwuru.

Frank tell national assembly say make dem use constitutional check di executive.

“Dis administration bad pass ontop corruption and circumvention of law.”

“As I get sense for law, osibanjo sabi say e dey illegal to approve money without national assembly.”

Frank talk say Osibobo suppose sabi wetin e mean to approve money wey National Assembly no give order.


Please enter your comment!
Please enter your name here